Kryeministri  në detyrë,  Avdullah Hoti ka takuar sot përfaqësuesit e Shoqatës së Invalidëve të Luftës së UÇK-së, të prirë nga Fadil Shurdhaj, nga të cilët u njoftua për nevojën urgjente të mbështetjes financiare për riparimin dhe furnizimin me proteza.

Sipas njoftimit, qeveria do të ndajë 578 mijë e 345 euro për riparim të protezave për invalidët e luftës së UÇK-së, shkruan Demokracia.com.

“Kryeministri Hoti u pajtua që për nevoja emergjente, kësaj shoqate t’i ndahen mjete në vlerë prej 578 mijë e 345 euro, sipas praktikave të mëhershme”, thuhet në komunikatën e qeverisië

Në takim ishte i pranishëm edhe drejtori i Zyrës për Çështjen e Kategorive të Dala nga Lufta,  Sylë Vitia./Demokracia.com.