Një qen shpëtimi i quajtur Bear i cili shpëtoi 100 koala, gjatë zjarreve të Verës së Zezë në Australi, është nderuar në Mbretërinë e Bashkuar për trimërinë e tij.

Gjashtëvjeçari australian i tipit koolie, iu dha një medalje speciale nga Fondi Ndërkombëtar për Mirëqenien e Kafshëve (IFAW) në Shtëpinë e Lordëve. Bear dhe ekipi i tij u shfaqën online përmes një video, për të pranuar çmimin e tij të veçantë.

Romane Cristescu, mbajtësja e Bear, tha se ajo nuk mund të ishte më krenare për qenin e saj, raporton Dailymail përcjellë Demokracia.

“Ai ka qenë një djalë aq i mirë që na ndihmoi të gjejmë dhe shpëtojmë shumë koala, veçanërisht gjatë zjarreve, por ai punon gjatë gjithë vitit për të na ndihmuar në punën tonë për të bërë një vend më të mirë dhe më të sigurt për koalat,” tha ajo gjatë fjalimit të pranimit.

Qeni shpëtues i jetës u braktis nga ish-pronarët e tij për shkak të çrregullimit të tij obsesiv-kompulsiv që e bëri atë të paaftë për të luajtur mirë me qentë e tjerë.

Sidoqoftë, ai e bëri atë një kandidat të shkëlqyeshëm për programin e qenve zbulues të Universitetit të Bregut të Diellit për Konservimin, përcjellë Demokracia.

Bear u trajnua për të njohur aromën e leshit të koalas dhe u vlerësua për shpëtimin e mbi 100 marsupialeve gjatë zjarreve 2019-2020 pasi habitatet e tyre u përfshinë nga flakët.

Ai u mësua të binte në heshtje në tokë në bazën e një peme kur zbuloi erën e tyre, duke siguruar që habitati të mos shqetësohej dhe duke ndihmuar ekipin e tij të gjente koala që mund të kenë nevojë për trajtim mjekësor.

Vlerësohet se mbi tre miliardë kafshë vdiqën gjatë këtij sezoni të zjarreve dhe më shumë se 24 milionë hektarë tokë u dogjën./Demokracia.com/