Tashmë janë bërë dy ditë që nga sulmi terrorist në veri të Kosovës.
Një grup terrorist i armatosur rëndë vrau policin tashmë hero të Kosovës, Afrim Bunjakun, shkruan Demokracia.com.
Terroristët ishin barrikaduar në Manastirin e Banjskës, nga ku zhvilluan luftime me Policinë e Kosovës për disa orë.
Katër terroristë mbetën të vrarë, dy të plagosur dhe tetë u prangosën.
Pjesa tjetër arriti të arratisej nga pjesa e pasme e manastirit.
Nga pamjet që u publikuan dje, terroristët shihet se arritën të arratiseshin nga mali, përkundër që Policia e Kosovës po arrinte t’i shihte përmes dronit.
Dalin pamjet nga ajri, sulmuesit serbë ikin maleve nga Banjska
Nga videoja që u publikua mbrëmë e deri më tani, kryeministri Albin Kurti dhe ministri Xhelal Sveçla s’po i përgjigjen pyetjes: PSE U LEJUAN TË IKIN TERRORISTËT, NËSE ISHIN TË RRETHUAR?
Ministri Sveçla, të dielën, deri sa terroristët gjendeshin brenda, kishte thënë se ata janë të rrethuar.
Gazetarë e analistë tashmë po e bëjnë publikisht këtë pyetje.
Gazetari Lirim Mehmetaj përmes një postimi kërkoi përgjigje në lidhje me këtë.
Të njëjtën pyetje po e bënë edhe analisti Ilir Mirena.
Po ashtu edhe gazetari Besnik Krasniqi po kërkon të dihet pse u amnistuan terroristët. /Demokracia.com/