Pas humbjeve masive të javëve të fundit përballë Ukrainës, presidenti i Rusisë Vladimir Putin ka bërë thirrje për mobilizim dhe ka vendosur të thërras të gjithë rezervistët nga mosha 18 deri në moshën 60 vjeçare që t’i bashkohen luftës.

Por përveç rusëve të cilët s’po i binden një vendimi të tillë duke ikur nëpër shtete të ndryshme, kundër Putinit ka dalë edhe kreu i Dagestanit, Sergeri Melikov, shkruan Express.

Ai ka reaguar ashpër pasi në qytetin e Derbentit ka lëvizur një makinë ushtarake dhe ka bërë thirrje përmes megafonit që secili burrë i qytetit të vishet dhe të drejtohet tek qendra e rekrutimit.

Videon e Melikov teksa bërtet dhe kundërshton një thirrje të tillë e ka shpërndarë gazetari Francis Scarr që punon për BBC.