COVID-19KosovaSot:6Të gjitha:272,051|Bota 621,975,762
Lajme
Putini u jep rekrutëve “katër orë” për t’u thënë lamtumirë familjeve të tyre
Demokracia
21:10 | 22 Shtator 2022

Share:

Rezervistëve të parë rusë që do të dërgohen me forcë në vijën e frontit si pjesë e mobilizimit të pjesshëm të Vladimir Putinit iu dhanë vetëm katër orë kohë për të paketuar valixhet.

Sipas mediave të huaja, përcjell Telegrafi, dhjetëra mijëra të tjerë kanë kërkuar të largohen nga vendi, me radhë të gjata disa orëshe në kufijtë e Finlandës, Gjeorgjisë dhe Mongolisë.

Në aeroporte, ata që kishin fatin të blinin një biletë aeroplani me një drejtim jashtë vendit përpara se të shiteshin, u filtruan në radhë për t’u siguruar që nuk kishin të drejtë të luftonin.

Nëse po, ata po bllokoheshin të niseshin edhe nëse kishin bileta dhe viza për një vend tjetër.

Gratë rezerviste nuk janë thirrur në stërvitje ushtarake.

Siç vlerësohet, mobilizimi i pjesshëm është shenja më e fundit se pushtimi i Putinit nuk po shkon sipas planit pas gati shtatë muajsh luftime.

Një burrë që mundi të largohej nga Rusia tha: “Të gjithë burrat tani janë ndaluar në aeroportin Sheremetyevo në Moskë, atyre ua kanë marrë dokumentet”.

Siç ishte bërë e ditur edhe më herët, çmimi i biletave të aeroplanit u rrit shumë pas njoftimit, me fluturimet për në Serbi të shitura plotësisht.

Ndryshe, të mërkurën në mbrëmje, 1,386 demonstrues kundër luftës u arrestuan në 38 qytete të ndryshme anembanë Rusisë, me protesta të tjera të planifikuara për sot.

Kishte raporte për oficerë ‘brutalë’ që përdornin shkopinj për të kontrolluar turmat në Moskë.

Protestat të tilla nuk janë parë në Rusi për pesë apo gjashtë muaj pasi Kremlini prezantoi ligje të reja për të heshtur mospajtimin.

Të ngjashme