Ish-presidenti i Ukrainës Petro Poroshenko tha se “askush nuk e di se ku do të ndalet Rusia nëse hyn në luftë kundër vendit të tij”.

Poroshenko, i cili udhëhoqi Ukrainën nga viti 2014 në 2019, tha për Sky News se do të ishte një “luftë e plotë”, transmeton Demokracia.com.

Megjithatë, ai paralajmëroi se një luftë e tillë mund të përhapet në të gjithë kontinentin.

“Kjo nuk është një krizë ukrainase, është agresion rus. Askush nuk e di se ku do të qëndrojë Rusia. Putin ka imagjinatën e oficerëve të KGB-së”, tha Poroshenko.

Ish-presidenti më pas shprehu parandjenjat e tij të errëta.

“Askush nuk e di se kush mund të jetë nesër – Polonia, shtetet baltike, Republika Çeke apo Rumania dhe Bullgaria”, tha Poroshenko.

Ai theksoi se “për ne, uniteti dhe solidariteti me Ukrainën është i një rëndësie jetike”.

Poroshenko tha se Rusia tashmë po i hapte rrugën një sulmi me pretendime për “incidente të rreme” – dhe se ishte e rëndësishme që gazetarët të vazhdonin të raportonin mbi “të vërtetën”.

“Sot kemi një evakuim të rremë të njerëzve, kemi një ankesë të rreme për granatimet nga pala ukrainase, kemi një depërtim të rremë përtej kufirit rus,” tha ai.

Ish-presidenti i Ukrainës tha se më shumë se 100 gazetarë janë tani të pranishëm në lindje të vendit.

“Ju po transmetoni të vërtetën nga kufiri i kombit tim”, tha Poroshenko. /Demokracia.com/