Partia në pushtet, Lëvizja Vetëvendosje ka futur rrënjët edhe në bordin e kompanisë rajonale të ujësjellësit, “Gjakova”. Kryeministri Kurti bëri të ditur

Kryeministri Albin Kurti prezantoi në mbledhjen e Qeverisë emrat e kryesuesit dhe anëtarëve të bordit të KRU Gjakova. Ndër emrat si anëtar i bordit është edhe Jeton Haxhijaha.

Jeton Haxhijaha është anëtar i Lëvizjes Vetëvendosje në Rahovec. Ai shihet nën shoqërimin e deputetit të Vetëvendosjes dhe ish- kandidatit për krytar të Rahovecit nga kjo parti, Visar Korenica, shkruan Insajderi.

Në fotografi anëtari i ri i bordit “KRU Gjakova”, Jeton Haxhijaha shihet prezent në disa tubime të partisë në Rahovec.

Kryeministri Kurti sot në Mbledhje të Qeverisë, përpos Jeton Haxhijahaj njoftoi edhe për emrat e anëtarëve të tjerë të bordit si dhe kryesuesit.

“Për drejtor të bordit të ndërmarrjes publike KRU Gjakova, propozoj të emërohen këta kandidatë: Urim Gashi, kryesues; Arianeta Nura, anëtare; Vildane Maloku, anëtare dhe Jeton Haxhijaha, anëtar”, tha ai.