Hetimi ndaj Driton Lajçit ka pushuar, kanë njoftuar nga Dhomat e Specializuara.

Sipas këtij njoftimi Lajçi u bë i dyshuar kur ishte ish-zyrtar i Ministrisë së Drejtësisë së Kosovës.

Po ashtu theksohet se çështja e tij lidhej me hetime dhe ose çështje gjyqësore që kishin të bënin me krime bazë të përfshira në juridiksionin e Dhomave të Specializuara.

”Më 18 gusht 2023, në bazë të rregullës 47 të Rregullores, ZPS-ja dorëzoi njoftim për pushimin e hetimit kundër Driton Lajçit. Sikurse shihet nga parashtrimet publike në këtë çështje, Driton Lajçi, ish-zyrtar i Ministrisë së Drejtësisë së Kosovës u bë i dyshuar i ZPS-së në vitin 2019. Çështja e tij lidhej me hetime dhe/ose çështje gjyqësore që kishin të bënin me krime bazë të përfshira në juridiksionin e Dhomave të Specializuara. Më poshtë jepet kronologjia e zhvillimeve kryesore në këtë çështje, me lidhjet përkatëse për parashtrimet e protokolluara, si edhe aspektet e shqyrtuara prej Dhomës së Specializuar të Gjykatës Kushtetuese (DHSGJK) dhe Avokatit të Popullit të DHSK-së“, thuhet ndër tjerash në njoftimin e Dhomave të Specializuara.