Finlanda ka vënë në gjyq tre gazetarë me akuzën e zbulimit të sekreteve të mbrojtjes kombëtare për botimin e dokumenteve të klasifikuara në një artikull gazete.

Artikulli i 16 dhjetorit 2017 në gazetën e përditshme “Helsingin Sanomat” u fokusua në aktivitetet e Qendrës Kërkimore të Inteligjencës Finlandeze, një agjenci e inteligjencës ushtarake, shkruan Aljazeera.

Raporti hetimor zbuloi vendndodhjen e përafërt dhe detyrat e një njësie të inteligjencës të forcave të mbrojtjes.

Gazetarët Tuomo Pietilaina dhe Laura Halmi, dhe ushtruesja e detyrës së menaxherit të gazetës në atë kohë, Kalle Silfverberg, kanë mohuar keqbërjen.

Nëse shpallen fajtorë, ata përballen me dënime me burg deri në katër vjet, sipas transmetuesit finlandez MTV.

Të tre nuk ishin të pranishëm në Gjykatën e Qarkut të Helsinkit të enjten, por është planifikuar të dëshmojnë në fund të nëntorit, transmeton Klankosova.tv.

Një artikull vijues i planifikuar nuk u botua me urdhër të kryeredaktorit pasi tregimi i parë tërhoqi kritika. Të enjten, një prokuror kërkoi heqjen e versionit online të tregimit origjinal nga faqja e internetit e gazetës.