Videoja e sapo shfaqur po jep një vështrim më të afërt sa i përket reagimit të Jada Pinkett Smith pas incidentit të bashkëshortit të saj, Will Smith me Chris Rock në “Oscars 2022”.
Klipi, i shpërndarë nga përdoruesi i TikTokut ‘305hoodhero’, tregon pasojat e momentit kur Will, 53 vjeç, goditi Rock, 57 vjeç, në skenë në Teatrin Dolby të Los Angeles, pasi komediani bëri shaka për kokën e rruar të Jadas.
Gjatë prezantimit të një çmimi, Rock e krahasoi pamjen e aktores 50-vjeçare me atë të Demi Moore në “GI Jane”.
https://www.tiktok.com/@305hoodhero/video/7081141689389288747?referer_url=https%3A%2F%2Ftelegrafi.com%2F&referer_video_id=7081141689389288747&refer=embed
Jada, e cila së fundmi rrëfeu se vuan nga alopecia, ishte zënë në kamerat duke rrotulluar sytë. Pak sekonda më vonë, Will doli në skenë dhe iu afrua Rockut, duke e goditur para audiencës dhe miliona njerëz që shikonin transmetimin televiziv në shtëpi.
Ndërkohë që Will fitoi një çmim për “Aktori më i mirë”, ai i kërkoi falje Akademisë së Filmit dhe të tjerëve që ishin pjesëmarrës.
Smith në anën tjetër i kërkoi falje Chrisit të nesërmen përmes rrjeteve sociale.