Opinionistja e emisionit Big Brother VIP Albania, Zhaklin Lekatari, është kthyer prej kohësh në një prej personazheve më të diskutuar në media.

Ajo është komentuar shpesh për qëndrimet e saj në lidhje me disa nga banorët e shtëpisë, gjersa nuk kanë munguar edhe kontraditat e herë pas hershme.

Megjithatë, Zhaklina duket se nuk e ka mirëpritur mirë komentin e një psikologeje të quajtur Anila, e cila në një koment të bërë në rrjetet sociale e ka quajtur opinionisten “të sëmurë mendore”.

Kjo ka bërë që Zhaklina të reagojë e revoltuar duke i çuar audio-mesazhe, të cilat tashmë janë publikuar dhe bërë të ditura për publikun.

“Ty Anil në shkollën e psikologjisë kështu të kanë mësuar, që t’i drejtohesh tjetrit dhe t’i thuash ‘Ti je dhe do të mbetesh e sëmurë psikike’. Sepse unë do të ta heq licencen e psikologes, do t;iu bëjë ‘print screen’ këtyre mesazheve dhe do kujdesem që të mos punosh më atë. Më thuaj vendin ku punon sepse nuk do të punosh aty”.

VIDEON MUND TA SHIKONI KËTU.

Më tutje, opinionistja thotë se e ka gjetur vendin ku punon dhe se do të dërgojë ankesë zyrtare te shefi i saj, pasi një psikologeje nuk i lejohet t’i drejtohet njerëzve të shoqërisë me një gjuhë të tillë.

Videoja në fjalë ka ngritur reagime të shumta në media, shumë prej të cilëve e kanë mbështetur Zhaklinën mbi faktin se psikologët duhet të jenë të kujdesshëm në mënyrën se si i shprehin qëndrimet e tyre.