Sport
PSG-ja u jep pushim dy ditë futbollistëve, Messi shihet me familje në Barcelonë
Demokracia
23:19 | 20 Shkurt 2023

Share:

Goli mahnitës i Lionel Messit nga gjuajtja e lirë kundër Lille jo vetëm që ia siguroi Paris Saint-Germainit tri pikë shumë të vlefshme në Ligue 1, por edhe tërë skuadrës dy ditë pushim.

Messi vendosur t’i kalojë në Barcelonë dy ditët e pushimit që trajneri i PSG-së Christophe Galtier ai dha atij dhe bashkëlojtarëve të tij të dielën.

Shtatë herë fituesi i Topit të Artë ishte pothuajse i pavërejtur të dielën pasdite në Parkun e Princave, deri në çastin kur skuadra pati më së shumti nevojë për të në kohën shtesë të ndeshjes.

Messi ka qenë gjithmonë njëri i ngjarjeve të mëdha dhe e dëshmoi këtë edhe me golin që e shënoi nga goditja e lirë në minutën e 95-të, për t’ia siguruar PSG-së një fitore drithëruese 4:3 kundër Lille.

Trajneri Galtier vendosi t’ua japë dy ditë pushim lojtarëve të tij pas kësaj fitoreje lehtësuese për të.

Messi ka vendosur që këtë mundësi ta shfrytëzojë për t’u kthyer në shtëpinë e vet në Barcelonë, duke qenë se kampioni francez nuk do të ketë stërvitje deri të mërkurën.

Argjentinasi 35-vjeçar u pa duke shkuar në Katalonjë bashkë me familjen e vet të ngushtë.


Messi ka marrëveshje me PSG-në vetëm deri në përfundim të këtij sezoni dhe ende është duke menduar se ata pranojë ofertën për vazhdimin e kontratës me gjigantin francez apo jo.

Por kthimin e mundshëm të Messit në Barcelonë, ku luajti për 20 sezone, e ka mohuar babai dhe menaxheri i tij Jorge.

“Unë nuk mendoj se Leo do të luajë përsëri për Barçën”, tha Jorge për Sport.

“Kushtet nuk janë plotësuar. Ne nuk kemi folur me Laportën dhe nuk ka asnjë ofertë deri më tani”.

Të ngjashme