Një sasi e konsiderueshme e toksinave që gjenden në shtëpi vjen nga këpucët. Ky është rezultati që kanë nxjerrë studiuesit nga Universiteti i Indianapolis. Për këtë arsye, ata rekomandojnë që të vishni dhe hiqni këpucët jashtë shtëpisë dhe të mos i vishni kurrë në pragun e shtëpisë (gjithmonë jashtë).

“Ne jemi kimistë mjedisorë, që kemi kaluar një dekadë duke ekzaminuar mjedisin e brendshëm dhe ndotësit ndaj të cilëve njerëzit janë të ekspozuar në shtëpitë e tyre. Shkenca anon drejt kësaj të fundit. Është më mirë të lini pisllëkun tuaj në derë”, – thanë ata.

Njerëzit kalojnë deri në 90% të kohës së tyre brenda, kështu që pyetja nëse duhet t’i veshin këpucët brenda apo të hyjnë me to në shtëpi, ​​nuk është e parëndësishme. Elementet që grumbullohen në shtëpinë tuaj përfshijnë më shumë sesa thjesht pluhur dhe papastërti nga njerëzit dhe kafshët shtëpiake që hidhen tutje. Rreth një e treta e tyre hyn në shtëpi sepse është ngjitur në këpucë.

Disa nga mikroorganizmat e pranishëm në këpucë dhe në dysheme janë patogjenë rezistentë ndaj ilaçeve, duke përfshirë agjentët infektivë spitalorë (mikrobet) që janë të vështira për t’u trajtuar. Kjo tregon se sa e rëndësishme është që këto mikrobe të mos futen në shtëpi. Lënia e këpucëve jashtë pragut të shtëpisë i lë patogjenët potencialisht të dëmshëm atje.

Të gjithë e dimë se parandalimi është shumë më i mirë se kurimi dhe heqja e këpucëve në derë është një aktivitet parandalues ​​bazë dhe i lehtë për shumë prej nesh, ndaj ekspertët theksojnë se heqja dhe veshja e këpucëve jashtë shtëpisë mbron shëndetin tuaj.