Të gjithëve na ka ndodhur ndonjëherë që prekin dikë a diçka dhe ndjejmë një goditje të lehtë elektrike.

Është i çuditshëm fakti sesi trupi ynë ka aftësi të përcjellë energji elektrike. Por nëse keni menduar sesi ka mundësi të ndodhë ky fenomen, përgjigjen mund t’a merrni në spjegimin më poshtë, transmeton Demokracia.com

Atomet në trupin tonë kanë energji pozitive, negative dhe neutrale. Çdo gjë rreth nesh përbëhet nga atome dhe, natyrisht, që përfshin dhe trupin e njeriut. Atomet, nga ana tjetër, janë bërë nga protone, elektrone dhe neutrone. Secila prej tyre ka një ngarkesë pozitive, negative ose neutrale, përkatësisht.

Dhe ndërsa atomet në përgjithësi kanë një numer disi të qëndrueshëm të këtyre 3 lloje të grimcave, elektronet priren të zhvendosen nga një vend në tjetrin gjatë gjithë kohës.

Kjo do të thotë që ata mund të lëvizin nga orenditë tonë në rroba, dhe prej andej në shpatullën e një kolegu kur i përshëndesim dhe ju japin një goditje mbi sup.

Energjia elektrike statike është ajo që ndodh kur energjia negative nuk është e ekuilibruar

Kur ka një mungesë ekuilibri midis elektroneve dhe protoneve, ose me fjalë të tjera, një çekuilibër i energjisë negative dhe pozitive, krijohet diçka që shkencëtarët i referohen si elektricitet statik. Pavarësisht nga emri i saj i komplikuar, ju ndoshta keni krijuar vetë energji elektrike statike.

Për shembull, nëse i keni fërkuar ndonjëherë flokët me një tullumbace, në të vërtet po merrni disa elektrone më shumë se ato që keni pasur më parë. Sidoqoftë, nëse pak më vonë, i afroheni një objekti të ngarkuar pozitivisht, mendoni, për shembull, për një objekt metalik ose ndonjë gjë tjetër të bërë nga një material përçues, ju ndoshta do të ndjeni një goditje të vogël elektrike. Këto janë elektronet që lëvizin nga një vend në tjetrin, duke u përpjekur të rimarrin ekuilibrin.

Goditjet e vogla elektrike janë më të zakonshme kur koha është e ftohtë dhe e thatë.

Gjatë dimrit, ose në vende ku klima është veçanërisht e thatë dhe e ftohtë, elektriciteti statik mund të jetë më i shpeshtë.

Kjo për faktin se ajri i lagësht në të vërtetë është një përcjellës natyral, i cili, me mjaft kënaqësi, mund të ndihmojë në shmangien e shkarkimeve më të forta, siç janë ato që ndodhin në ambiente ku lagështia është më e ulët, informon abcnews.al.  Në rastin e kësaj të fundit, mungesa e lagështisë mund të shkaktojë shkarkime të shpeshta elektrike kur dikush prek ndonjë sipërfaqe.

Ka disa materiale që na japin elektronet e tyre dhe të tjerë që na bëjnë të “përcjellim shkëndija”.

Siç e keni ditur tashmë, metalet janë përçuesit kryesorë të energjisë elektrike, aq shumë, saqë ato përdoren për të krijuar objekte speciale qëllimi i vetëm i të cilave është përçimi i energjisë elektrike.

Sidoqoftë, ka edhe fibra, të tilla si poliesteri, që kanë një nivel të ulët të përçueshmërisë dhe prapë mund të përfshihen në tranzitin e energjisë elektrike që udhëton nga një vend në tjetrin kur papritmas japim ose marrim këto goditje të lehta elektrike. Polieseri, për shembull, gjendet në shumë objekte që ne përdorim në jetën tonë të përditshme, përfshirë mobiljet dhe veshjet./Demokracia.com