Komiteti Ndërkombëtar i Kryqit të Kuq (IRIC) shpresonte të fillonte evakuimin e 200,000 njerëzve nga qyteti port i rrethuar.
Ajo thotë se ekipet e saj filluan hapjen e rrugës së evakuimit nga Mariupol në Zaporizhzhia përpara se “armiqësitë të rifillonin”, raporton BBC, transmeton Demokrcia.com.
Rusia dhe Ukraina kishin rënë dakord në parim për evakuimin e civilëve, por nuk kishin rënë dakord për detajet se si do të ndodhte evakuimi, tha Kryqi i Kuq.
Në veçanti, IRIC tha se të dy palët nuk kishin rënë dakord për:
-Kohën specifike, vendndodhjet dhe rrugët e evakuimit;
-Kush mund të evakuohet vullnetarisht;
-Kur mund të sillet ndihma.
Kryqi i Kuq po lehtësonte dialogun, por “nuk mund të jetë garantuesi i një marrëveshjeje armëpushimi midis palëve ose i zbatimit të saj”.
Raportohet se ekipet e tij mbeten në qytet për të ndihmuar në lehtësimin e përpjekjeve të mëtejshme për një armëpushim, “nëse palët arrijnë një marrëveshje, të cilën vetëm ato duhet ta zbatojnë dhe ta respektojnë”./Demokracia.com/