Partia Socialdemokrate sot ka mbajtur një aksion si shenjë proteste ndaj hartës së paraqitur në zyrën e emisarit të BE-së për dialogun, Mirsollav Lajçak.
Reagimi i Partisë Socialdemokrate vjen pasi në hartën që shihej mbrapa Lajçakut, Kosova paraqitej si pjesë e Serbisë, raporton Demokracia.com
Anëtari i kësaj partie, Frashër Krasniqi ka pretenduar se me këto veprime, Lajçak është pozicionuar në anën e Serbisë.
“Kosova s’mund të pranojë asnjë zgjidhje që e bën jo funksional shtetin tonë. Për ne, z.Lajcak tashmë është pozicionu në anën e Serbisë. Kjo është e papranueshme për ne”, ka thënë Krasniqi.
Kujtojmë se Lajçak të enjten përmes një shkrimi në llogarinë e tij në Tëitter tha se çështja e hartës ka qenë një keqkuptim.
Ai postimit i ka bashkëngjitur disa fotografi, që sipas tij, janë hartat zyrtare të BE-së./Demokracia.com/
LEXO EDHE:
Harta në zyrën e tij paraqiti Kosovën si pjesë të Serbisë, reagon Mirsollav Lajçak