Sekretari amerikan i Shtetit, Anthony Blinken propozoi që Kroacia të hyjë në programin e regjimit pa viza me Shtetet e Bashkuara.
Blinken në një postim në rrjetin social “Twitter”, ka shkruar se udhëtimi pa viza për qytetarët kroatë, u bë pas “përparimit të madh të kroatëve për të përmbushur standardet strikte për vendet pjesëmarrëse në program”, përcjell Demokracia.com
“Sot, unë nominova Kroacinë që t’i bashkohet Programit të Heqjes së Vizave. Ky është hap drejt një regjimi pa viza dhe është shenjë e përparimit të jashtëzakonshëm të Kroacisë në përmbushjen e standardeve strikte për vendet pjesëmarrëse”, ka shkruar Blinken.
Blinken shtoi se mezi po priste marrëdhënie edhe më të forta mes Shteteve të Bashkuara të Amerikës dhe Kroacisë.
Today I nominated Croatia to join the Visa Waiver Program. This step towards visa-free travel recognizes Croatia’s tremendous progress to meet the rigorous standards for participant countries. We look forward to an even stronger U.S.-Croatia relationship.
— Secretary Antony Blinken (@SecBlinken) August 2, 2021
Duke reaguar ndaj njoftimit të Blinkenit, kryeministri kroat, Andrej Plenkoviq, përmes një postimi në rrjetin social “Twitter”, tha se qytetarët kroatë të cilët do të jenë në gjendje të udhëtojnë në Shtetet e Bashkuara të Amerikës pa pengesa do të përfitojnë më shumë nga heqja e vizave.
“Ne konfirmojmë partneritetin midis Kroacisë dhe Shteteve të Bashkuara dhe presim zhvillimin e mëtejshëm të bashkëpunimit ekonomik dhe lidhjeve të biznesit”, shkroi Plenkoviq.
Zahvaljujem državnom tajniku 🇺🇸 @SecBlinken na pozivu 🇭🇷 u Program izuzeća od viza, što je jedan od posljednjih koraka za ukidanje viza 🇭🇷 državljanima. Uz intenzivan rad @VladaRH, @MVEP_hr i @mup_rh na ispunjenju uvjeta, realizirat ćemo jedan od vanjskopolitičkih prioriteta 🇭🇷! https://t.co/gu8A4W03et
— Andrej Plenković (@AndrejPlenkovic) August 2, 2021
Kujtojmë, vizat për Shtetet e Bashkuara të Amerikës duhet të hiqen jo më vonë se 30 shtator, fundi i vitit fiskal amerikan.
Ndërsa Kroacia do të bëhet shteti i 39-të, qytetarët e të cilëve nuk kanë nevojë për vizë që të hyjnë në SHBA./Demokracia.com/
