Zyra e Kryeprokurorit të Shtetit ka pranuar kallëzim penal nga Agjencia Kundër Korrupsionit kundër ambasadorit të Kosovës në Kroaci, Martin Berishaj, të cilin e ka dërguar në Prokurorinë Themelore në Prishtinë.
Zëdhënësi i Zyrës së Prokurorit të Shtetit, Ekrem Lutfiu ka bërë të ditur për Demokracia.com se kallëzimin penal e kanë dërguar në Prokurorinë Themelore të Prishtinës.
“E nderuar, ju njoftoj se Zyra e Kryeprokurorit të Shtetit, ka pranuar nga Agjencinë Kundër Korrupsionit kallëzim penal kundër personit me inicialet M.B. Zyra e Kryeprokurorit të Shtetit, kallëzimin penal e ka dërguar në kompetencë në Prokurori Themelore në Prishtinë”, ka thënë Lutfiu për Demokracia.com.
Demokracia.com, ka drejtuar pyetje edhe në Prokurorinë Themelore të Prishtinës, por të njëjtit deri në publikimin e lajmit nuk janë përgjigjur.
Demorkacia.com do t’ju mbajë të informuar rreth rastit të ambasadorit Martin Berishaj. /Demokracia.com/
LEXO EDHE: