Prokuroria Speciale e Kosovës e ka konfirmuar aksionin në Ministrinë e Bujqësisë.

Siç njofton Prokuroria, bastisjet po zhvillohen mbi dyshimet për fabrikën për përpunimin e mbetjeve shtazore.

“Ju njoftojmë se Policia e Kosovës, me urdhër të Prokurorisë Speciale të Republikës së Kosovës është duke zhvilluar bastisje në katër lokacione. Bastisjet po zhvillohen mbi dyshimet per Fabrikën për përpunimin e mbetjeve shtazore. Për detaje të tjera, publiku do të njoftohet gjatë ditës”, ka deklaruar Nora Luta, zëdhënëse e Prokurorisë Speciale.