Komuna e Prishtinës ka nisur një aksion për sinjalizimin e parkingjeve kompakt si dhe parkingjet e automjeteve për personat me nevoja të veçanta, në tre lagje,

Paraprakisht, me ndërmarrjen “Pastrimi”, komuna ka pastruar këto vend-parkingje.

Kështu ka njoftuar përmes një postimi në Facebook, kryetari Përparim Rama.

“Përgjatë dy javëve të kaluara kemi realizuar sinjalistikën horizontale (vijëzimin) në disa nga parkingjet kompakte të lagjeve në Kryeqytet. Paraprakisht së bashku me ndërmarrjen ‘Pastrimi’ i kemi pastruar të gjitha këto parkingje”, ka shkruar ai.