Prishtina ka arritur ta bëjë për vete trofeun e Superkupës së Kosovës në futboll, pasi e ka mposhtur Dritën me rezultat 3:1, shkruan Demokracia.com.
Skuadra bardhekaltër triumfoi në sfidën e luajtur në Antalia të Turqisë, që njëherësh edhe hap një epokë të re për futbollin tonë, pasi u luajt për herë të parë një ndeshje e tillë në një vend neutral.
Qëndrim Zyba, Besnik Krasniqi e Alban Shillova realizuan për Prishtinën, ndërsa për skuadrën e Dritës, golin e vetëm e shënoi Kastriot Rexha.
Padyshim ky rezultat është një sinjal i fortë se pranvera sivjet në futbollin kosovar do të jetë shumë e nxehtë. /Demokracia.com