Me dy përballjet e sotme ka përfunduar java e parë e edicionit të ri në Superligën e Kosovës në futboll.

Në program për ditën e sotme kanë qenë dy duele Malisheva – Prishtina dhe Ballkani – Dukagjini, raporton Demokracia.com.

Malisheva ka arritur të shkaktojë befasinë e javës pasi e ndali në barazim Prishtinën në shtëpi me rezultat 1-1.

Golin e parë në histori të klubit në elitën e futbollit kosovar e shënoi Hasan Hyseni në pjesën e parë.

Ndërsa në minutat shtesë, Bekteshi barazoi për Prishtinën me kokë pas harkimit të Xhevdet Shabanit.

Ballkani dhe Dukagjini në Suharekë kanë ndarë pikët në një ndeshje ku u shënuan katër gola.

Rezultati përfundimtar ishte 2-2 me “portokallezinjtë” që ishin dy herë në avantazh, por që “Hithat” nuk lejuan të dalin pa pikë nga Suhareka.

Për “Xhebrailat” dy golat i realizoi talenti, Ermal Krasniqi, ndërkaq për Dukagjinin shënoi Arbër Shala dhe Ahmed Januzi.

Ky i fundit u ndëshkua me karton të kuq vetëm pesë minuta pas golit. /Demokracia.com