Prishtina e Drenica do të përballen nesër ndërmjet vete në kuadër të javës së 19-të të Superligës së Kosovës në futboll e cila njëherësh edhe shënon hapjen e stinorit pranveror, shkruan Demokracia.com.
Të dyja skuadrat nga paslufta nuk janë larguar asnjëherë nga elita e futbollit kështu që nesër ato luajnë duelin e 60-të ndërmjet vete.
Skuadra badhekaltër përmes faqes se saj zyrtare ka nxjerrë statistikat e këtyre ndeshjeve e ku shihet se Prishtina është skuadër shumë më e favorizuar.
Nga 59 ndeshje, Prishtina ka 31 fitore, Drenica ka 17 fitore ndërsa 11 herë janë ndarë baras.
“• Prishtina dhe Drenica, nesër takohen në ndeshjen e tretë kampionale të këtij edicioni. Prishtina ka fituar në “Fadil Vokrri” 3:0 ndërsa Drenica në “Bajram Aliu” 1:0.
- Drenica para fitores së fundit (1:0) ka qenë 10 ndeshjeve pa fitore (9 humbje e 1 barazim).
- Në 59 përballje zyrtare, Prishtina ka fituar 31 sosh, ka barazuar 11 dhe Drenica ka fituar 17 takime. Prishtina ka larg golldallim më të mirë pozitiv, +37, 90:53”, ka shkruar FC Prishtina.
Të kujtojmë se ndeshja Prishtina – Drenica luhet në stadiumin “Fadil Vokrri” me fillim nga ora 13:00. /Demokracia.com