Është prezantuar makina Ferrari, njëvendëshja që pilotët Sharl Lwclerk e Karlos Sainz do të pilotojnë këtë sezon, me shpresën për t’u rikthyer te titulli në Formula 1.
SF23 ka zbritur në pistë, në Fiorano për të shfrytëzuar 100 km e vendosura në dispozicion për filmime dhe publicitet. Sipas mediave italiane makina është shumë më e shpejtë se ajo e vitit të kaluar dhe për këtë arsye, këtë sezon synohet titulli.
“Çdo gjë shkoi mirë. Inxhinierët po përpunojnë të dhënat e para. E gjithë kjo është shumë e veçantë, këtu ka një pasion të madh, diçka unike. Vitin e kaluar bëmë një hap të madh përpara, por nuk mjaftoi: synimi është ende titulli, jo vendi i dytë”, u shpreh Lëklerk pas testeve të para.
“Me Sharl ka një konkurrencë të shëndetshme: Është diçka që na motivon dhe na shtyn të përmirësojmë secilin, por mbi të gjitha ka shumë respekt. Do japim maksimumin për Ferrarin”, deklaroi piloti spanjoll Sainz.
Meet SF-23, #Tifosi!
Introducing our 2023 challenger 🏎 #SF23 pic.twitter.com/O9uNS7mAIC
— Scuderia Ferrari (@ScuderiaFerrari) February 14, 2023