Presidentja Vjosa Osmani dhe kryeministri Albin Kurti kanë pasur sot një diskutim në Kuvendin e Kosovës. Nga ajo që shihet në video, Osmani dhe Kurti shfaqen të jenë më të tensionuar se zakonisht.

E pyetur për këtë pas përfundimit të takimit të Këshillit për Demokraci dhe të Drejta të Njeriut, Osmani tha se diskutimi ka qenë për zgjedhjet e përgjithshme.

“Për ligjin për zgjedhjet e përgjithshme dhe çështjen e përqindjes së grave në lista. Kështu që, është përpjekje e vazhdueshme”, tha presidentja Osmani.