Presidenti i SHBA Joe Biden ka ndaluar veprimet ligjore kundër TikTok dhe WeChat, të cilat mund të kishin ndaluar përdorimin e këtyre aplikacioneve në Shtetet e Bashkuara.

Ndërsa presidenti, Donald Trump kishte kërkuar të ndalonte të dy aplikacionet, duke pretenduar se ato ishin një kërcënim i sigurisë kombëtare.

Të dy ndërmarrjet kishin ndërmarrë veprime ligjore kundër ndalimeve të propozuara.

Administrata e re tani ka kërkuar një pezullim të procedurave ndërsa rishikon nëse aplikacionet paraqesin vërtet një kërcënim.

Kjo do të thotë që të dy aplikacionet mund të vazhdojnë të funksionojnë në SH.B.A. derisa personeli i ri në agjencitë qeveritare të “familjarizohet me çështjet në këtë rast”, thuhet në dokumentet ligjore.

Trump kishte pohuar se përhapja në SHBA e aplikacioneve mobile të zhvilluara dhe në pronësi të firmave kineze kërcënonte “sigurinë kombëtare, politikën e jashtme dhe ekonominë e Shteteve të Bashkuara”.

Aplikacioni i mesazheve WeChat ka më shumë se një miliard përdorues në të gjithë botën, por thotë se SH.B.A. zë vetëm 2% të të ardhurave të saj.

Aplikacioni për ndarjen e videos TikTok ka rreth 800 milion përdorues në të gjithë botën, nga të cilët 100 milion janë në SH.B.A. /Demokracia.com/