Presidenti kenian, William Ruto, njoftoi tërheqjen e ligjit të buxhetit, i cili parashikonte rritjen e taksave dhe që kishte ngjallur protesta nga popullata, duke kulmuar me sulmin ndaj Parlamentit. “

Pasi dëgjova me kujdes njerëzit, të cilët kanë folur me zë të lartë dhe të qartë, unë do të tërhiqem”, tha ai.

“Duke dëgjuar me zell popullin e Kenias, të cilët kanë thënë me zë të lartë se nuk duan të kenë të bëjnë me këtë projektligj financiar 2024, e pranoj. Dhe për këtë arsye, unë nuk do të nënshkruaj projektligjin e financave të vitit 2024. Populli ka folur”, tha ai në një fjalim televiziv.

Të paktën 22 protestues thuhet se u vranë në përleshjet me policinë në kryeqytetin Nairobi. Ruto tha se administrata e tij do të angazhonte të rinjtë kenianë për të menaxhuar punët e vendit dhe për të gjetur metoda të mbledhjes së të ardhurave.