Artan Murati, këshilltari i Presidentes, Vjosa Osmani, ka konsideruar se raporti i Departamentit Amerikan të Shtetit nuk e ka quajtur politikisht të motivuar vendimin e presidentes për shkarkimin e kryesueses së Komisionit Qendror të Zgjedhjeve (KQZ), Valdete Daka.

Murati në Facebook shkruan se ky raporto nënvizon qëndrimet e palëve sa i përket ngjarjeve, teksa shton se Departamenti i Shtetit s’ka bërë vlerësim të procesit.

Në raportin e Departamentit të amerikan të Shtetit, mbi të Drejtat e Njeriut në Kosovë fillimisht është dhënë një shpjegim se si Presidentja në detyrë, në një deklaratë publike ka kritikuar votimin e KQZ-së, për moscertifikimin në zgjedhjet e 14 shkurtit të kandidatëve që ishin të dënuar me vendim të prerë të Gjykatës.

Raporti përshkruan se si, pas kësaj, Presidentja e vendit e shkarkoi Dakën nga KQZ-ja dhe citon organizatat e shoqërisë civile, të cilat e quajtën vendimin e Osmanit për Dakën si “të motivuar politikisht”.

Në raportin e DASH-it citohet edhe një pjesë e një raporti i Bashkimit Evropian për zgjedhjet, i vitit 2021, ku thuhet se shkarkimi i Dakës “Nuk mund të mbështetej në mënyrë të duhur as me arsyetimin se vendimi u mor mbi bazën e Ligjit për Zgjedhjet të Përgjithshme”.

SHBA-ja ‘shuplakë’ Vjosa Osmanit për shkarkimin e Valdete Dakës