Ditën e djeshme, gjatë një reportazhi mbi nëndetësen Titan, u shfaq flamuri shqiptar. Pas kësaj kanë nisur hipoteza të shumta, por në fakt flamuri shqiptar nuk ka qenë në nëndetësen Titan, por në simotrën e saj Triton.

Flamuri i Shqipërisë ka arritur në pikën më të thellë të tokës, në shpellën Mariano.

Përgjigja se çfarë bën flamuri shqiptar në një mision në Oqeanin Paqësor jepet nga faqja zyrtare e Five Deeps Expedition:

“Vendosja e flamurit Kuq e Zi të Shqipërisë në nëndetësen “Triton” dhe në uniformën e pilotit të saj Viktor Veskov, është një akt në respekt të popullit të jashtëzakonshëm shqiptar dhe në veçanti edhe të një gruaje shqiptare (Monica Beu) e cila është partnerja dhe mbështetësja e palëkundur e ekspeditës.”

Vetë piloti, Viktor Veskov (Victor Lance Vescovo), është një ish oficer i Marinës Amerikane, aktualisht investitor, bashkëthemelues dhe partner menaxhues i kompanisë bilionere “Insight Equity Holdings”. Pasioni i tij janë udhëtimet, alpinizmi dhe ekspeditat e zhytjeve në thellësi të mëdha.

Në mënyrë unike, Veskov është i vetmi njeri i gjallë në tokë që ka mundur të zbresë në humnerat më të thella të të pesë oqeaneve të globit, gjë kjo që qe bërë e mundur në kuadër të programit “Five Deeps Expedition” ku ai përdori për zhytje mjetin e tij nënujor “DSV Limited Factor”, një nëndetëse dy vendëshe, model “Triton 36000/2”./albeu.com