Si pjesë e tendencës së saj të vazhdueshme për të mbrojtur përmbajtjen jo-konsensuale, Pornhub ka njoftuar një numër masash të reja sigurie për të mbrojtur përdoruesit dhe krijuesit e saj.

Një nga këto ndryshime është shtimi i teknologjisë biometrike, të cilën faqja e të rriturve do të përdorë për të verifikuar ata që duan të ngarkojnë video, transmeton Demokracia.

Pornhub fillimisht njoftoi se do të ndalonte ngarkimet e videove nga përdoruesit e paverifikuar në dhjetor, pas një hetimi të Neë York Times i cili detajonte përhapjen e përmbajtjes jo-konsensuale në platformë. Në atë kohë, Pornhub gjithashtu tha se do të bllokonte njerëzit nga shkarkimi i përmbajtjes.

Në një deklaratë të shpërndarë këtë javë (2 shkurt), faqja e të rriturve e cila është në pronësi të MindGeek tha se “masat e saj gjithëpërfshirëse për verifikimin, moderimin dhe zbulimin do të sigurojnë që Pornhub është platforma më e sigurt në internet dhe se lufton përmbajtjen e paligjshme ”.

Ata që duan të bashkohen me Programin e verifikuar të Pornhub-it tani duhet të konfirmojnë identitetin e tyre me Yoti – një zgjidhje e verifikimit të identitetit dixhital, duke siguruar një foto aktuale dhe ID të aprovuar nga qeveria.

Yoti më pas do të kontrollojë dokumentet duke përdorur teknologjinë biometrike, një shërbim që identifikon dikë nga një aspekt i biologjisë së tij, p.sh. gjurmët e gishtave ose njohjen e fytyrës./Demokracia.com