Drejtoria Rajonale e  Policisë në Pejë, me datë 13.09.2021, rreth orës 11:00, ka pranuar informacion se në fshatin Caralluk-Istog, është duke u mbajtur një dasmë dhe ka të shtëna me armë zjarri.

Në njoftim thuhet se policia ka hasur në personin, i cili dyshohet se ka shtënë me armë zjarri në këtë aheng, në vendngjarje janë konfiskuar armë, e po ashtu bazuar në ligjin antiCOVID është shqiptuar edhe gjobë, përcjell Demokracia.com.

Njoftimi i plotë:

Policia ndalon ahengun në zbatimin e masave sipas Ligjit ANTICOVID -19 dhe konfiskon një armë

Pejë, 13 shtator  2021

Drejtoria Rajonale e  Policisë në Pejë, me datë 13.09.2021, rreth orës 11:00, ka pranuar informacion se në fshatin Caralluk-Istog, është duke u mbajtur një aheng (dasmë) dhe ka të shtëna me armë zjarri.

Me të marr informatën Njësitet relevante të Stacionit Policor në Istog, menjëherë iu kanë përgjigjur vendit të ngjarjes.

Policia ka hasur në personin e dyshuar, i cili dyshohet se ka shtënë me armë zjarri në këtë aheng, në vendngjarje janë konfiskuar:

• Një (1) Armë (Pistoletë) e tipit Girsan 9x19mm

• Njëmbëdhjetë (11) gëzhoja cal: 7.62mm

• Një (1) karikator i së njëjtës armë.

I dyshuari arrestohet dhe pas intevistimit me urdhër të Prokurorit të shtetit rasti shkon në procedurë te rregullt

Organizatorit të ahengut iu është shqiptuar gjoba në shumë prej dyqind (200) euro, duke u bazuar ne ligjin anti covid.

Të pranishmit menjëherë janë larguar dhe ahengu është ndërprerë.

Policia e Kosovës me këtë rast apelon tek te gjithë qytetarët që ti respektojnë vendimet e Qeverisë, dhe të IKSHPK-se. Në të kundërtën për qytetarët që nuk i respektojnë vendimet e Qeverisë dhe të IKSHPK-së, toleranca do të jetë zero./Demokracia.com/