Policia në Londër ka arrestuar një “grup të madh” kundër-protestues të cilët u përleshën me policinë pasi u përpoqën të përballeshin me një tubim të madh pro-palestinez, ndërsa ai po zhvillohej të shtunën.

Policia Metropolitane tha se ata ishin “përballur me agresion nga kundër-protestuesit që ndodhen në zonë në një numër të konsiderueshëm” përpara asaj që mund të jetë marshimi më i madh që nga fillimi i konfliktit Izrael-Hamas.

Policia shtoi se do të përdorë “të gjitha fuqitë dhe taktikat që kemi në dispozicion” për të ndaluar kundër-protestuesit që po përballen me marshimin pro-palestinez.

Një prani e madhe e policisë është në vend, me më shumë se 2,000 oficerë në rrugët e Londrës, tha Policia Metropolitane.

Një grup protestuesish të ekstremit të djathtë ndërprenë minutën e heshtjes të mbajtur për Ditën e Armëpushimit në një memorial lufte në Londrën qendrore, raporton CNN