Emri i talentit francez, Kylian Mbappe është “lakuar” shumë kohëve të fundit nga mediat ndërkombëtare.
22-vjeçari raportohet se ua ka bërë të qartë drejtuesve të Paris Saint-Germainit se nuk do të rinovojë kontratën, ndonëse i skadon vitin e ardhshëm, shkruan Demokracia.com.
Tutje, Mbappe po lidhet me një kalim te Reali i Madridi këtë afat kalimtar veror.
Trajneri i PSG-së, Mauricio Pochettino ka folur në lidhje me gjitha këto.
Pochettino është shprehur optimist se reprezentuesi i Francës do të mbetet në ekipin e tij të paktën deri në fund të edicionit.
“Mbappe po punon shumë mirë. E shoh atë të qëndrojë me ne këtë sezon”, deklaroi Pochettino
“Ka shumë thashetheme, por ai është i qetë”, shtoi ai.
“Ne duam që ai të qëndrojë këtu. Ai ka edhe një vit në kontratën e tij me ne”, tregoi ai.
“Edhe nëse ai nuk rinovon, ai është ende një lojtar i PSG”, potencoi Pochettino. /Demokracia.com