Një nga diplomatët më të lartë të BE-së ka kritikuar ministrin e Jashtëm izraelit për mos angazhimin e duhur në një samit në Bruksel, i projektuar për të hapur rrugën për një plan paqeje në Lindjen e Mesme.

Josep Borrell, përfaqësuesi i lartë i BE-së për punët e jashtme, u tha gazetarëve se Israel Katz kishte ardhur në takim për të paraqitur planet për një ishull artificial në brigjet e Gazës dhe një hekurudhë në Indi, koncepte që nuk kishin të bënin fare me bisedimet e paqes.

“Ne kishim kënaqësinë të shikonim dy video shumë interesante, një për një projekt ishull artificial për të shërbyer si por dhe një tjetër për një projekt për të ndërtuar një linjë hekurudhore që lidh Lindjen e Mesme me Indinë. Unë mendoj se ministri mund ta kishte shfrytëzuar më mirë kohën e tij për t’u shqetësuar për sigurinë e vendit të tij dhe numrin e lartë të vdekjeve në Lindjen e Mesme dhe numrin e lartë të vdekjeve në Gaza”, u shpreh ai.

Shefi i politikës së jashtme të BE-së ka thënë se është i vendosur të ndjekë një zgjidhje me dy shtete në Lindjen e Mesme, pavarësisht nëse Izraeli është gati të marrë pjesë apo jo.