Është arrestuar personi i dyshuar lidhur me një plagosje që ka ndodhur sot në rrugën “Yll Morina”, në Gjakovë.
Lajmin për Demokracia.com e ka konfirmuar zëdhënësi i Policisë së Kosovës për rajonin e Gjakovës, Nysret Gjurkaj.
Ai ka treguar se rasti ka ndodhur rreth orës 18:30.
“I plagosuri është dërguar në trajtim mjekësor në spital, në vendngjarje kanë dalë të gjitha njësite policore”, tha Gjurkaj.
Ndërkohë, lidhur me rastin është arrestuar një person.