Në bazë të exit-poll-it të PIPOS në Kuvendin e ardhshëm të Kosovës do të ketë këtë përbërje: LVV-ja do të ketë deputetë 52, 20 do të jenë të PDK-së, komunitetet jo shqiptare do t’i kenë 20 ulëse, dhe 19 deputetë do t’i ketë LDK-ja. AAK-ja do të ketë 9 deputetë, ndërkaq Nisma nuk e kalon pragun.
Këto rezultate janë llogaritur në bazë të pyetjeve që u janë bërë qytetarëve në vendvotime.
Këtu nuk llogariten votat me kusht e as ato nga diaspora. Këto mund të ndryshojnë rezultatin final të zgjedhjeve e me këtë edhe numrin e ulëseve në Kuvend.
Të përkthyera në përqindje i bie që LVV-ja ka marrë 41.8 për qind, komunitetet jo shqiptare 16.7 për qind, PDK-ja 16.5 për qind, LDK-ja 15.2 për qind, AAK-ja 7.2 për qind, Nisma Socialdemokrate 2.6 për qind. /Demokracia.com/