Drejtori i ashtuquajturës zyrë për Kosovën në Serbi, Petar Petkoviq ka thënë se ka kërkuar që sonte t’i vizitojë në spitalin e Graçanicës dy të plagosurit në Shtërpcë, por kjo gjë nuk i është lejuar.
Për këtë pamundësi që t’i vizitojë dy të rinjtë, ai e ka fajësuar kryeministrin e Kosovës, Albin Kurti.
Në fund, ai i ka shtruar një pyetje emisarit të BE-së për dialogun, Miroslav Lajçak.
Вечерас ми је Курти забранио да посетим повређене српске дечаке Милоша и Стефана у болници у Грачаници! Иако сам затражио да ми буде омогућена посета рањенима, наишао сам на блокаду. Нико не може спречити истину о страдању наше деце!
Јесу ли то европске тековине? @MiroslavLajcak pic.twitter.com/mkXaYQEhtg— Петар Петковић (@PetkovicPetar) January 6, 2023
“Sonte, Kurti ma ndaloi që t’i vizitojë serbët e lënduar, Milloshin dhe Stefanin në spitalin e Graçanicës. Përkundër se kërkova që të më lejohet vizita e të plagosurve, hasa në një bllokadë. Askush s’mund ta fshehë të vërtetën për vuajtjen e fëmijëve tanë! A janë ata pasuri evropiane?”, ka shkruar Petkoviq duke etiketuar në Twitter edhe llogarinë e Lajçak.
