Policia e Kosovës ka njoftuar se gjatë 24 orëve të fundit janë regjistruar 5 raste të dhunës në familje.

Sipas raportit 24 orësh të policisë, dy raste të dhunës janë raportuar në rajonin e Prishtinës, dy në rajonin e Pejës dhe një Rahovec.

Këto janë të gjitha rastet:

DHUNË NË FAMILJE

Prishtinë 27.05.2023-11:30. Viktima femër kosovare, ka raportuar se pas një mosmarrëveshje verbale dyshohet se është sulmuar fizikisht nga vëllau i saj i dyshuari mashkull kosovar. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit, është dërguar në mbajtje

Lipjan 27.05.2023-19:00. Viktima femër kosovare ,ka raportuar se bashkëshorti i saj i dyshuari mashkull kosovar, dyshohet se ka ushtruar dhunë fizike dhe psikike ndaj saj. Palët janë intervistuar dhe me vendim të prokurorit, janë liruar, rasti në procedurë të rregullt.

DHUNË NË FAMILJE

Istog 27.05.2023-00:16. Është arrestuar i dyshuari mashkull kosovar nën dyshimin se i njëjti nën ndikim të alkoolit, ka ushtruar dhunë në familje . Me vendim të prokurorit, i njëjti është dërguar në mbajtje .

Pejë 25.05.2023-16:00.Është arrestuar i dyshuari mashkull kosovar pasi që i njëjti dyshohet se ka ushtruar dhune fizike dhe psikike ndaj viktimës femre kosovare. Viktima ka pranuar tretman mjekësor. Me vendim të prokurorit i dyshuari dërgohet në mbajtje.

DHUNË NË FAMILJE

Rahovec 27.05.2023-16:00. Viktima femër kosovare, ka raportuar se babai i saj i dyshuari mashkull kosovar dyshohet se ka ushtruar dhunë fizike ndaj saj. I dyshuari është arrestuar dhe pas intervistimit me vendim të prokurori dërgohet në mbajtje .