Sot është bërë përurimi i hapjes së Ambasadës së Kosovës në Jeruzalem dhe në ceremoni kanë marrë pjesë E ngarkuara me Punë e Republikës së Kosovës në Izrael, Ines Demiri dhe Shefi i Protokollit të Shtetit i Ministrisë së Punëve të Jashtme të Izraelit, Gil Haskel.
Fotografië e ceremonisë janë publikuar nga Demiri dhe nga Haskel. Ky i fundit, përmes një shkrimi në rrjetin social Twitter ka thënë se ishte privilegj pjesëmarrja e tij në ceremoninë e hapjes zyrtare të Ambasadës së Kosovës në Jeruzalem.
“Ishte një privilegj sot për ta përuruar zyrtarisht Ambasadën e parë ndonjëherë të Republikës së Kosovës në Izrael, në zemër të kryeqytetit tonë, Jerusalemit. Urime për Ines Demirin, Shefen e parë të Misionit”, ka shkruar Haskel.
Was a privilege today to officially inaugurate the first ever Embassy of The Republic of #Kosovo in Israel, in the very heart of our capital #Jerusalem. Congrats to @InesDemiri1 the first Head of Mission pic.twitter.com/IZJRJaOek3
— Gil Haskel 🇮🇱 (@GilHaskel) March 15, 2021
E Ngarkuara me Punë e Republikës së Kosovës në Izrael, Ines Demiri, gjithashtu ka shkruar në Twitter duke thënë se hapja e Ambasadës është nderi më i madh i jetës së saj.
“Një moment vërtet krenar dhe historik për marrëdhëniet e Kosovës dhe Izraelit. Republika e Kosovës sot zyrtarisht hapi Ambasadën e saj në Jeruzalem! Nderi më i madh i jetës sime është të kem këtë mundësi për të hapur Ambasadën dhe t’i shërbej me krenari vendit tim në Izrael”, ka shkruar ajo.
A truly proud and historic moment for 🇽🇰 🤝 🇮🇱 relations.
The Republic of Kosovo today officially opened its Embassy in Jerulasem!
The greatest honor of my life is to have this opportunity to open the Embassy and proudly serve my country in Israel. pic.twitter.com/beUFmOeA5g— Ines Demiri (@InesDemiri1) March 14, 2021
Dje, Ministria e Punëve të Jashtme dhe Diasporës ka njoftuar se është hapur edhe zyrtarisht Ambasada e Kosovës në Izrael me seli në Jerusalem, si pjesë e Marrëveshjes së arritur në Washington, të nënshkruar në shtator të vitit që shkoi./Demokracia.com/