Ura në Mrçajevci afër Çaçakut është shembur mëngjesin e sotëm, në mes të shirave të dendura dhe vërshimeve që kanë goditur ditët e fundit Serbinë.

Kujtojmë se për shkak të sasisë së madhe të reshjeve ka dalë prej shtatit lumi Musina, kështu që nga dje janë të pakalueshme rrugët Rekovac – Trstenik dhe Mrçajevci – Kralevë afër Adranit.

Mediat serbe kanë publikuar pamjet e para të momentit të shembjes së urës, ku pos dëme materiale, nuk kishte viktima.

Pukao most na Zapadnoj Moravi koji je spajao Slatinu i Mrčajevce! pic.twitter.com/S4yWHwbH1n

— nova.rs (@novarsonline) June 17, 2023

Përmbytjet në shtetin serb shkaktuan dëme të konsiderueshme në infrastrukturë dhe banorët e disa vendeve u detyruan të evakuoheshin nga shtëpitë e tyre, transmeton Telegrafi.

U shpallën 51 gjendje të jashtëzakonshme. Gjithsej 217 persona janë evakuuar që nga mesnata, raporton N1.

Sipas njoftimeve të RHMZ-së, gjendja po monitorohet në Moravën Perëndimore, Crni Timok, lumin Ibër, i cili ka një rritje të lehtë.