Situata që u përjetua në hotelin, ku është sistemuar kombëtarja peruane, mes lojtarëve të saj dhe policisë spanjole është surreale. Skuadra e Amerikës së Jugut ndodhet në Madrid për të luajtur një ndeshje miqësore kundër Marokut në stadiumin e Atletico Madridit.

Qindra tifozë u mblodhën në derën e hotelit për të pritur lojtarët e tyre me një ‘flamur’, moment ky që nisi edhe sherrin. Sipas disa dëshmitarëve, një pjesëtar i policisë e shtyu Yoshimar Yotún, një ndërkombëtar peruan, që ta detyronte të kthehej, duke e ngatërruar për një tifoz.

Kjo gjë që bëri që futbollisti të përgjigjej me një shtytje tjetër, që çoi në degradimin e situatës dhe grindje të rënda mes futbollistëve dhe pjesëtarë të forcave të sigurisë së shtetit.

Me bluzën e grisur nga sherri dhe përballë hotelit, portieri i skuadrës peruane ka shpjeguar qëndrimin e pazakontë të policisë. “Deshëm të përshëndesnim njerëzit dhe ata filluan të na godasin”,- tha ai.

Ndërsa disa tifozë vazhduan të këndonin këngët e tyre karakteristike, të tjerë shprehën mbështetjen e tyre për sportistët peruanë. “Qetësohuni, ata janë lojtarë”,- dëgjohej në disa nga videot që qarkulluan në rrjetet sociale.

En la previa del amistoso vs. Marruecos, los jugadores de Perú sufrieron un escandaloso momento con la policía española en el banderazo: ¡los confundieron con fanáticos en el hotel! Alex Valera, Pedro Gallese y Yoshimar Yotún, los más afectados. pic.twitter.com/8Q6wucwmPE

— SportsCenter (@SC_ESPN) March 27, 2023