Arkitekti nga Prishtina, Visar Geci, i cili njihet si përkrahës i Lëvizjes Vetëvendosje, ka reaguar pasi Instituti i Historisë ka pranuar për bashkëpunëtore shkencore Mrika Limanin, e afërt me LVV-në dhe jo Blerim Canajn, i cili kishte doktoruar në Vjenë.
Për këtë ka raportuar Demokracia.com një ditë më parë, ndërsa Geci ka reaguar duke shprehur kritika pse nuk është pranuar Canaj, por është pranuar Limani, e cila ka doktoruar te Bujar Dugolli, që sipas tij, edhe doktoratën e vet e ka plagjiaturë.
Visar Geci më tej ka shkruar se me Blerim Canajn nuk pajtohet për mendime politike, mirëpo të dy mendojnë për të ardhmen e mirë të Kosovës.
Ai ka thënë se në zgjedhje ka votuar që në pozita të vendosen njerëz të mirë dhe jo njerëz të partisë fituese. Sipas tij, praktikat për polarizimin e popullit “Ose je me partinë, ose je kundërshtarë” janë gabim.
Ndryshe, gjatë tërë kohës, procesi për bashkëpunëtorë shkencorë në Institutin e Historisë ishte mbajtur i mbyllur, duke e lënë të painformuar kandidatin dhe shkelur kështu një nga të drejtat e kandidatëve. Mrika Limani është edhe pjesë e mësimdhënies në shkollën politike të Lëvizjes Vetëvendosje. /Demokracia.com/
LEXO EDHE: