Futbollistët e Fulhamit kanë bërë një veprim që po e përshëndet e gjitha bota e futbollit.

Fulham barazoi në kuadër të xhiros së nëntë në Championship kundër Bristol Cityt në udhëtim, përcjell Demokracia.com.

Sulmuesi serb, Aleksandar Mitroviq i dha epërsinë ish-skuadrës së Premierligës në minutën e 50-të.

Pas këtij goli, futbollistët mysafirë u drejtuan në pjesën ku ishin të pozicionuar tifozët e tyre.

Ata shkuan për ta festuar golin me një tifoz adoleshent që ishte i paralizuar e që ndodhej shumë pranë fushës.

Në fund të ndeshjes, tifozit 13-vjeçar iu dhuruar një fanellë e klubit të tij të zemrës.

Fanella duket se e gëzoi shumë tifozin e veçantë të Fulham, ngase në fotografitë e publikuara në rrjetet sociale ai shihet duke buzëqeshur. /Demokracia.com