Porto dhe Roma kishin aranzhuar një ndeshje miqësore ditëve të fundit në prag të fillimit të edicionit 2021/2022 në ligat përkatëse.
Ndonëse ndeshja u mbyll në “paqe” 1-1, kjo nuk ishte edhe në fushë, pasi në disa momente ajo eskaloi në përleshje mes futbollistëve të dy skuadrave, shkruan Demokracia.com.
Në një dyluftim mes Pepes dhe Mkhitaryanit, portugezi i Portos e goditi me bërryl lojtarin armen.
Pas kësaj, gjakrat u “nxehën” aq shumë sa lojtarët në fushë dhe ata nga bankina u futën në fushën e gjelbër për t’i “qëruar hesapet”.
Pas disa momenteve kjo situatë kaloi dhe ndeshja u mbyll 1-1 me golat e Mancinit dhe Vitinjas. /Demokracia.com