Një zyrtar i Departamentit Amerikan të Mbrojtjes tha se rreth dy të tretat e forcave ruse të pozicionuara rreth kryeqytetit Kiev po shkojnë në veri drejt Bjellorusisë.

Amerikanët besojnë se forcat ruse në Bjellorusi do të marrin pajisje të reja në vend të atyre të shkatërruara, furnizime të reja dhe ndoshta edhe fuqi punëtore, përpara se t’i kthejnë në Ukrainë, transmeton Demokracia.com.

Zyrtari tha se forcat ruse ka të ngjarë të dërgohen në Ukrainën lindore, në rajonin e Donbas. “Por kjo nuk është ende e sigurt dhe mund të ndryshojë. Kjo nuk do të thotë se kërcënimi ndaj Kievit është zhdukur,” tha zyrtari.

Inteligjenca amerikane thotë se “shumica dërrmuese” e 125 batalioneve ruse janë ende në Ukrainë. /Demokracia.com/