Ish-sulmuesi brazilian Romario, i ka uruar shërim legjendës së futbollit brazilian, Pele, në një video të fundit në rrjetet sociale.
82-vjeçari, të cilit iu hoq një tumor nga zorra e trashë në shtator të vitit 2021, u shtrua në spitalin “Albert Einstein” në Sao Paulo më 29 nëntor dhe së fundmi kaloi ditën e Krishtlindjeve atje.
Ndërsa gjendja e tij përkeqësohet, anëtarët e familjes janë mbledhur në spital për të qëndruar me të. Ish-shokët e skuadrës, por edhe rivalët vazhdojnë t\i dërgojnë mesazhe mbështetjeje.
Në mesin e tyre edhe Romario, i cili duke folur për Ge Globo, tha: “Mbreti, bëhu më mirë. Shumë besim. E gjithë bota po kërkon dhe lutet për ty. Shërim!”.
Ndonëse Romario i ka uruar Peles më të mirën në mesazhin e tij të fundit, dy legjendat e futbollit nuk janë parë gjithmonë sy më sy në karrierën e tyre.
Ish-sulmuesit e Selecaos ishin përfshirë në një fjalosje të ashpër që kur Romario e quajti Pelen ‘një poet kur ai nuk flet’ në vitin 2007.
Romario rreshtohet për Brazilin duke veshur fanellën me numrin 11 gjatë Kupës së Botës 1994
Pele iu kundërpërgjigj shpejt pretendimeve kur tha: “Ka shumë njerëz që nuk e dinë vërtet se çfarë duan dhe thjesht sulmojnë të kaluarën”.
“Por, unë jam katolik dhe besoj se Zoti i ka falur gjithmonë injorantët, kështu që unë i fal injorantët”.
Ashtu si Pele, Romario shihet si një sulmues legjendar brazilian pas karrierës së tij të shkëlqyer ku shënoi 542 gola në 698 ndeshje.
Em partida de confraternização no interior de Minas Gerais, Romário desejou melhoras a Pelé: “O mundo está rezando por você” #ge pic.twitter.com/B75EenkzIj
— ge (@geglobo) December 27, 2022
