Legjenda e futbollit, Pele e vuri vajzën e tij ‘sekrete’ në testamentin e tij, pasi kishte mohuar që ajo ishte vajza e tij gjatë gjithë jetës së tij.

Ikona e futbollit brazilian kishte refuzuar më parë të pranonte se ai ishte babai i Sandra Regina, duke e lënë atë me zemër të thyer kur ajo vdiq 17 vjet më parë.

Pavarësisht kësaj, 82-vjeçari kërkoi të takohej me dy djemtë e saj, duke u folur për herë të parë më 28 dhjetor, vetëm një ditë para se të vdiste.

Tani raportohet se ai i dha një pjesë të pasurisë së tij shumë milionëshe djemve, pasi më në fund e emëroi Sandrën si një nga shtatë fëmijët e tij në testamentin e tij.

Kjo solli mbylljen e një drame familjare që rrënoi tri herë fituesen e Kupës së Botës për dekada, me fëmijët e saj, Octavio Felinto Neto dhe Gabriel Arantes do Nascimento që thanë se ëndrra e nënës së tyre ishte realizuar.

“Mirror” raporton se Gabriel ka thënë: “Unë fola me tezet e mia dhe ata thanë se gjyshi ynë donte të na shihte.

Ishim shumë të emocionuar, ishte një mundësi që e prisnim. Çdo familje ka zënka dhe sherre, e jona nuk ndryshon, por ka momente kur bashkimi dhe dashuria janë më të rëndësishme se çdo gjë tjetër. Jemi jashtëzakonisht të lumtur”.

Sandra, e cila vdiq në vitin 2006 nga kanceri, lindi pasi Pele pati një lidhje me pastruesen e tij, Anisia Machado.

Zonja Machado luftoi për vite që ta bënte atë të pranonte se ishte babai, por ai refuzoi ta bënte këtë, edhe pasi një test i ADN-së vërtetoi se ishte.

Sandras iu dha e drejta për të përdorur mbiemrin e Peles, Nascimento, në vitin 1996 pas një beteje ligjore pesëvjeçare.

Kur Pele vdiq muajin e kaluar pas një beteje të gjatë me kancerin, ai la një pasuri që raportohet se ka vlerë rreth 18 milionë euro.

Ikona botërore kishte tre fëmijë nga martesa e tij e parë, binjakë nga e dyta dhe dy fëmijë, përfshirë Sandrën, nga aferat./kp