Deputetët e Kuvendit të Kosovës kanë nderuar ikjen në amshim të Mbretëreshës Elizabeth me një minutë heshtje.
Një gjë e tillë erdhi gati 1 orë pas fillimit të seancës, e propozimin e bëri kryetari i Kuvendit të Kosovës, Glauk Konjufca.
Ai tha se është e udhës të nderohet me 1 minutë heshtje miken e madhe të Kosovës.
“Të nderuar deputetë, para se të kalojmë në pjesën tjetër, të gjithë u pikëlluam nga ndërrimi jetë i Mbretëreshës Elizabeta e Dytë. Konsideroj se është e nevojshme që ta nderojmë këtë mike të madhe e të fuqishme të Republikës së Kosovës dhe të kombit shqiptar me një minutë heshtje”, tha Konjufca.
“U prehtë në paqe”, tha z.Konjufca.
E pas një minutë heshtje, Kuvendi po vazhdon diskutimet sipas planeve.