Tensionet e së dielës së 31 korrikut në veri të Kosovës pas vendimit të Qeverisë për reciprocitet me Serbinë në targa dhe dokumente trazuan edhe NATO.
Pas tensioneve në veri dhe shtyrjes së zbatimit të vendimeve nga Qeveria e Kosovës, sekretari i përgjithshëm i NATO-s Jens Stoltenberg i shqetësuar I ka telefonuar kryeministrin e Kosovës Albin Kurti dhe presidentin e Serbisë Aleksandar Vuçiq, shkruan Demokracia.com.
Stoltenberg të martën ka biseduar me kryeministrin Albin Kurti dhe ka kërkuar që të ruajnë qetësinë dhe të shmangin veprimet e njëanshme.
“Bisedova me Albin Kurtin për tensionet e fundit në Kosovë dhe rëndësinë e vazhdueshme të misionit të KFOR-it. Të gjitha palët duhet të ruajnë qetësinë, të shmangin veprimet e njëanshme dhe të mbështesin dialogun e ndërmjetësuar nga BE-ja. Mbetem në kontakt të ngushtë me Prishtinën dhe Beogradin”, ka shkruar sekretari i Përgjithshëm i NATO-s.
Spoke to @albinkurti about the recent tensions in #Kosovo & the continued importance of our @NATO_KFOR mission. All sides must maintain calm, avoid unilateral actions & support EU-mediated dialogue. I remain in close contact w/both Pristina & Belgrade.
— Jens Stoltenberg (@jensstoltenberg) August 2, 2022
Ndërkaq sot sekretari Stoltenberg ka biseduar me presidentin ser Vuçiq.
Ai i ka thënë presidentit serb se NATO-ja është e gatshme për të ndërhyrë nëse stabiliteti rrezikohet.
“Fola me presidentin e Serbisë, Vuçiq rreth tensioneve në veri të Kosovës. Të gjitha palët duhet të angazhohen me konstruktivitet në dialogun e ndërmjetësuar nga Bashkimi Evropian dhe të zgjidhin dallimet përmes diplomacisë. NATO-KFOR rri i gatshëm për të ndërhyrë nëse stabiliteti rrezikohet, bazuar në mandatin e Kombeve të Bashkuara”, ka shkruar Stoltenberg.
Spoke to #Serbia’s President @avucic about tensions in northern #Kosovo. All sides must engage constructively in the EU-mediated dialogue, and solve differences through diplomacy. @NATO_KFOR stands ready to intervene if stability is jeopardised, based on its @UN mandate.
— Jens Stoltenberg (@jensstoltenberg) August 3, 2022
