Kryetari i PSD-së, Dardan Molliqaj, është takuar sot me aktivistin Rron Gjinovci, në një takim që bën bashkë dy ish-anëtarë të VV-së të cilët nuk pajtohen mes vete.

Sipas përshkrimit të bërë në foton në Facebook, Gjjinovci thotë se janë takuar pas shumë viteve së bashku, ndërsa përsëri nuk janë pajtuar mes vete.

Sipas tij, temë diskutimi ka qenë Asociacioni i komunave me shumicë serbe, ndërsa kanë debatuar për atë se a do e krijojë kryeministri Kurti atë apo jo.

“Mas shumë vjetve me ftesë të tij e takova për të mos u pajtu në shumë sene përveç që sbon me bo Asociacionin. Unë po thom që Albini se bon, ky po thot që e bon. Mbetet të shihet.”, thotë Gjinovci, teksa shton se Molliqaj nuk është dashur të largohet nga VV-ja.

“P.S. Ky s’u dasht me dalë prej VV-së”, shtoi ai.

Molliqaj me Gjinovcin të dy kanë qenë anëtarë të VV-së dikur. Ky i pari ishte larguar në vitin 2018 me disa anëtarë të tjerë për të formuar subjektin PSD. Ndërsa Gjinovci kishte dalur pak kohë më herët se ai.